الرئيسية » » جسر الجنين .... شعر / بهاء توفيق

جسر الجنين .... شعر / بهاء توفيق

Written By غير معرف on الاثنين، 11 أغسطس 2014 | 9:33 م




مدّى ما بينا وبينـــك يا بلد جسر الحنين

  لسـه فيكى كتير غلابة لسه فيكى محرومين
  محتاجينك تبقى لينا .... محتاجينك من سنين
  افردى شـــراعك علينا مـدى لايدينا الايدين
كل كرب وله نهاية وانتى كربك اخره فين ؟؟؟ 
♠♠♠♠ 
ايوه بنحبك يا بلدى حب واجب فـ العبـــادة
بس ليه ايدك بتــدى للى مش محتاج زيادة ؟
واحنا لما نمد ايدنا .... ليه بناخد بالبيـادة ؟؟؟
احنا مش برضك ولادك ولاّ يعنـى ولد مين؟
كل كرب وله نهايه وانتى كربك اخره فين ؟؟

♠♠♠♠
زى ما حنا محتاجينك ....... يا بلدنا محتاجانا
مش هتلقى انتى نفســـك يا بلدنا غيرمعانا
فكى قيدك من ايدينا شيلى ضعفك من دمانــا
ولاّ بس ازاى هنبنــى والايدين متربطين ؟؟
كل كرب وله نهايه وانتى كربك اخره فين ؟!
♠♠♠♠  
يا بلد رامية فـ ولادك يا بلد حاضنه الديابـة
احنا عايشين جوه منك ولاّ عايشين وسط غابة
السؤال اللى شاغلنى ولسه مالقتلوش اجابــة
ليه بيوت الشر تعلى فوق بيـوت الطيبين ؟؟؟
كل كرب وله نهايه وانتى كربك اخره فين ؟!!
♠♠♠♠  

يا بلــدنا قربينا ....... حسسى قلوبنا بأمان
جمعينا جوه قلبك وافتحـى طــاقة حنــان
واحنا هنعلّى المبانى واحنا راح نزرع غيطان
يا بلد واخدانا منا .... يا بلد رايحـــه لفين


افردى شراعك علينا..... مدى لايدينا الايدين
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.