الرئيسية » » طرح البنات .....بهاء توفيق

طرح البنات .....بهاء توفيق

Written By غير معرف on الاثنين، 11 أغسطس 2014 | 9:34 م

ماتمرجحيش حبل الهوى بيا
انا قلبى مش حملك
ولا حمل لون البياض
لو بانت الأكتاف
خلينى حلمك لو هنتفارق
نسيانى بالمرة ...
يا حبيبتى مش إنصاف
طرح البنات لايق على عودك
طرح البنات أصناف
خبينى منى جوه حواديتك
خايف اكون جنبك
فـ الكادر مش منشاف

ولحد اخر نفس انطق شهادتها
مغمور فـ تربتها
ماتشلش عـ لـكتاف
الحب من يمتى
من يمها ....اسفاف
وانا اللى عمرى مضى
عابد لكلمتها
شايل محبتها
فـ مراتب الاشراف
كتر النواح علمنى معنى البكا
ولا عمر قلبى اشتكى
ولا عمر قلبى خاف
توب العفاف لبساه كده منظرة
على بدلة الرقصات
يا ريتو كان شفاف
انتى الحقيقة كده..!!
و كل ساعة ف بار
من بار لدار تدخلى..
ولا من سمع او شاف
انا اللى شايل عارى فـ عروقى
ومغطّى جرحى فـ بؤونة ...
تحت الف لحاف
لو انزفك هاستريح وابقى م الاحرار
اعزف فـ قلب النار
ضليلة الصفصاف

كل الحقايق بتدبل قبل ما تودع
والدنيا خلف خلاف
كل اللى شاف كدّب
واللى حكم ما شاف
اللعبة طولها وعرضها واحد
والحق ليه خواف..؟؟
الحق ليه خواف....؟؟؟

                                                                        بهاء توفيق

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.