الرئيسية » » تــــوهـــة | بسمة شعبان

تــــوهـــة | بسمة شعبان

Written By هشام الصباحي on الاثنين، 8 سبتمبر 2014 | 3:35 م

تــــوهـــة
الشاعرة | بسمة شعبان 
رئيس نادى أدب كفر الشيخ


ماحدش قابله قلبى ياناس؟
ماحدش شافه بالصدفة 
على اعتاب القلوب منداس؟
ماهدش روحه غير صدفة
ومركب م الجراح شاردة
وليل حيران بيستنى على باب الضياع
إحساس .
وانا والناس فى بير واحد
وانا الجاحد فى عين كل اللى عرفونى
وانا الجانى
وانا المجنون
وانا المفتون
وانا اللى فى وحدتى 
خوفى بنى لى من الأمانى ظنون
وهيأ فى الغنا يحبى
وغرر باللى كان صاحبى
وطّمّع كل من حبيت
وهد قلوعى فوق رحبى.
وانا وقلبى ضحايا حنين
غناوى من الوداع ضايعين
وتوهة فى سكة النسيان
بتوهب لى الجراح بساتين
وهشكى لمين؟
ومين راح يروى اوصالى؟؟
يعزز فى اللى كان غالى؟؟!
يرخّص كل من علّيت
وعوده من الوصال خالى؟؟!

لا قلبى براحه بيساعنى
ولا ف مهد الحنين معنِّى
ولا فى عز إنفراج النور
سمحت جروحى تدفعنى .
مانا المشوار لروحى بعيد
وانا المدفون فى ليلة عيد
وانا المواعيد مخلفانى
وانا الجانى
وانا المجنون
وانا المفتون
وانا اللى فى وحدتى خوفى
بنى لى من الأمانى ظنون
وهيأ فى الغنا يحبى
وغرر باللى كان صاحبى
وطّمّع كل من حبيت
وهد قلوعى فوق رحبى

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.