الرئيسية » » صلاة القهر | بسمة شعبان

صلاة القهر | بسمة شعبان

Written By هشام الصباحي on الأربعاء، 20 مايو 2015 | 9:47 م

صلاة القهر
إمام القلب متندى
مراية عشقه مكسورة
وبيفرفط بقايا الروح
بيكشف عورة مستورة
وعامية الرؤية فى الصورة
وبرواز الحنين تلفان
وبيجينى فى أوان الفجر
وصايب سهمه ع الأحلام
ويممنى فى صلاة العصر
وصلا بقلبى جمع وقصر
وكسّر روحى 100 حتة
وبعترهم فى لحظة نصر
إمام القلب يشبهنى
فى 100 ملمح و100 تفصيل
فى حضن سطوره دوبنى
وأحيانى فى غربة بير
غويط؟!
يمكن !
مابعرفشى !
ماشوفتش غيره بالمرة !
حقيقى قدرت فى عيونه
أحب الدنيا لو مُرة
إمام القلب كان قادر
يلّبس قلبه توب إنسان
مَدَارى اللى اكتمل قربه
سحابة وهم ماله أوان
وفستان الوصال فالصو
وأحضان العيال خلصو
وضَمُه ف كف متمدد على شعر الخريف بُهتان !
إمام القلب كان كافر بكل مافيَّ ..
كان غلطان
فقرر يوصِل التوبة
يصلى الفجر 100 نوبة
يطبطب ع اللى مش منى
ويبتر ضحكة الننى
ويدعيلى فى صلاة القهر
أقّوى القلب يحيا الدهر
ويتعكز على سنينه
لنشر " رسالة الغفران!! "
إمام القلب مش طاهر
وغصن الورد كان دبلان
صلاة الفجر مش حاضر
وبكرة الجاى مش ألوان .

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.