الرئيسية » » خْيَالِكْ مَرجْ أخضَر نَقي | بشار عبد الله حسين

خْيَالِكْ مَرجْ أخضَر نَقي | بشار عبد الله حسين

Written By Unknown on الجمعة، 5 يونيو 2015 | 7:00 م

خْيَالِكْ مَرجْ أخضَر نَقي
فيه البنفسَجْ قامْ
تْوَضَّا ندي، وصلّى، وبقي
مْنَمَّشْ حبَقْ وخْزامْ
ويا ليل! يا راهبْ تقي
ضوّا نجومو ونامْ
بالضَّوّ في راعي شَقي
سرَّحْ غيومو وهامْ
مهرو الشتي، وشو متّقي
يغبِّرْ عَ كَعْب الشامْ.
ــــــــــــــــــــــــــ
غَيَّر طقسْ تَمّوز
وْدَقّ الشتي بابِكْ
مْغَبَّرْ، كأنّو كُوز
نَخّ، وسَقَى عْتابِكْ
يا شام! ما بيجوز
يتعَفّر ترابِك
إلّا بْصَدى فيروز
وصْدورْ أحبابِكْ.

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.