الرئيسية » » قصيدة:ملاك تايه بقلم:‫#‏بهاء_الدين_محمد‬

قصيدة:ملاك تايه بقلم:‫#‏بهاء_الدين_محمد‬

Written By هشام الصباحي on السبت، 11 يوليو 2015 | 3:47 ص

قصيدة:ملاك تايه

________________
_____
يا حلم مرمي ع الطريق
ارسم بايدك سكتك
ارسم شعاع يوصل بنور
لطريق نجاحك يرشدك
واوعي تقول ان الحياة
دايما بتقسي عليا انا
واني مليش ﻻزمة خلاص
ده الضخكة ماتت من سنة
والله يابني انت ما تفرق
عاللي متربي ف قصور
د الفرق بينه وبينك انك
فحتت باديك الصخور
فاصرخ وثور واياك تقول
انك اقل منهم
واياك تعيش في يوم ضعيف
او تبقي مكسور وسطهم
ده انت العزيمة والارادة
انت اﻻمل وانت الحياه
اوعي ف يوم تنسي ان حلمك
جاب معاه طوق النجاه
اضحك وخلي ضحكتك
رسمة في لوحة م الامل
لوحة بتزرع كل يوم
بذرة جديدة للعمل
بذرة بتجني ثمارها خير
بذرة امان بذرة كفاح
تحصد ايديك ثمرة عمل
تحصد امل تحصد نجاح
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.